Tag: пожар

Зваршчык у Горках прабраўся вечарам на працу, каб напіцца там, заснуць і ўсё спаліць

Навіна ад

Употай прабраўшыся на сваю працу ў магазін “Мастак” у Горках позна вечарам, работнік зладзіў пажар у кацельнай. 

Вечарам 27 жніўня аўтаматычная сігналізацыя спрацавала ў краме “Мастак” у Горках. Як высветлілася, каля 20.00 у кацельную крамы прабраўся супрацоўнік, які працуе тут зваршчыкам, хоць яго працоўны дзень завяршыўся ў 17.00. Калі ратавальнікі прыбылі на месца пажару, то пабачылі агонь у кацельнай, а на падлозе ляжаў п’яны мужчына. На месцы пажару была знойдзеная пустая бутэлька з-пад гарэлкі, пачка цыгарэт і запальнічка. Прычынай пажару лічыцца неасцярожнасць пры курэнні – піша “Горацкі веснік”. Агнём ад пажару знішчаная маёмасць у кацельнай, у тым ліку бензарэз.

Фота: “Горацкі веснік”

Два хлопчыкі загарэліся ў гаражы ў Асіповічах

Навіна ад

Адзін чысціў калодкі бензінам, а другі гуляўся з газавай гарэлкай. Каб пагасіць на сабе вопратку, дзеці каталіся па падлозе і выкаціліся на вуліцу.

Надзвычайнае здарэнне адбылося вечарам 27 жніўня ў гаражным кааператыве “Аўтааматар” у Асіповічах. Два хлопчыкі 12 і 14 гадоў рамантавалі там веласіпед. Адзін з іх наліў бензін у пластыкавую бутэльку і чысціў ім тармазныя калодкі. Другі стаў гуляцца побач з газавым балонам і гарэлкай – паведамляе прэс-служба МНС. Адбыўся выбух і на хлопцах загарэлася вопратка. Каб пагасіць яе на сабе, падлеткі калаліся і круціліся па падлозе, выкаціліся на вуліцу, дзе ім дапамог сусед – загасіў полымя вадой і адвёз пацярпелых у лякарню.

гараж осиповичи

Фота: МНС

У Магілёве гарэла паліклініка, эвакуявалі 300 чалавек

Навіна ад

На вуліцы Крупскай у Магілёве загарэўся будынак паліклінікі №10. Пажар адбыўся на другім паверсе, дзе размешчана педыятрычнае аддзяленне. Фота і відэа з месца здарэння публікуюць гарадскія паблікі. Паведамляецца, што пацярпелых няма, але звяртае на сябе ўвагу той факт, што на месцы здарэння працуюць не толькі пажарныя, але і медыкі.

Пасля ўключэння пажарнай сігналізацыі з будынка эвакуяваліся 160 чалавек персаналу і 150 наведвальнікаў.

Дзеці ў Горацкім раёне палілі петарды і спалілі 20 тон саломы

Навіна ад

Калі сталі заканчвацца запалкі, трое школьнікаў развялі касцёр каля скірды з саломай – каб захаваць агонь. Ён і перакінуўся на 20 тон саломы, што стаялі ў полі.

Вечарам 21 жніўня тры падлеткі ў Горацкім раёне каля вёскі Вялікая Каралёўка гуляліся, падпальваючы петарды – паведамляе прэс-служба МНС. Калі запалкі ў іх сталі заканчвацца, дзеці вырашылі развесці касцёр, каб захаваць агонь. Касцёр яны развялі якраз каля скірды з саломай, у якой ляжала 20 тон рулонаў. Неўзабаве агонь перакінуўся на салому, яна ўспыхнула, а дзеці спалохаліся і ўцяклі. Дзядуля аднаго з хлопцаў і выклікаў пажарных, якія змаглі выратаваць толькі палову скірды.

Фота, відэа: МНС

 

У Асіповічах гарэў райвыканкам

Навіна ад

Агнём ахапіла першы корпус Асіповіцкага райвыканкама. Фотаздымкі з пажару апублікаваў Тэлеграм-канал газеты “Асіповіцкі край”.

Як патлумачылі ў МНС, пажар ахапіў паддашак будынка. Ратавальнікі ўжо ліквідавалі яго. У выніку агнём пашкоджана кроквенная сістэма даху на плошчы каля 900 кв. метраў.

У Бабуйску згарэў домік на дзіцячай пляцоўцы

Навіна ад

Паводле папярэдняй версіі, прычына пажару – дзіцячыя гульні з агнём.

На дзіцячай пляцоўцы па завулку Тухачэўскага ў Бабруйску днём 4 жніўня здарыўся пажар. Як паведамляе прэс-служба МНС, відавочцы заўважылі, як успыхнуў лялечны домік на пляцоўцы, а незадоўга адтуль разбегліся дзеці. Верагодна, іх гульні з запалкамі прывялі да ўзгарання, і толькі дзівам малыя пазбеглі апёкаў, альбо больш трагічных наступстваў.

Фота: МНС

За два дні на Магілёўшчыне згарэлі трактар і камбайн

Навіна ад

У Кіраўскім і ў Чавускім раёнах Магілёўскай вобласці 10 і 11 ліпеня адбыліся ўзгаранні сельскагаспадарчай тэхнікі – перадае прэс-служба МНС. Так, 10 ліпеня проста пасярод поля каля вёскі Букіна Кіраўскага раёна загарэўся трактар.

Трактарыс спрабаваў загасіць полымя на сваёй машыне самастойна, аднак толькі атрымаў апёкі 8% цела. Ад шпіталізацыі ён адмовіўся.

11 ліпеня ў аграгарадку Ваўкавічы Чавускага раёна на вуліцы Цэнтральнай загарэўся зернеўборачны камбайн “Палессе”. Прычына пажару высвятляецца.

Фота: МНС

У Бабруйску гарэў завод раслінных алеяў

Навіна ад

На “Заводзе раслінных алеяў” на вуліцы Бахарава ў Бабруйску адбылося ўзгаранне аднаго з цэхаў – паведамляе прэс-служба МНС. Агнём пашкоджана абсталяванне, але праца завода не парушаная. Зараз высвятляюцца прычыны ўзгарання.

Фота: МНС

На пажары ў Глуску выратавалі мужчыну

Навіна ад

4 чэрвеня а 1:31 раніцы паступіла паведамленне аб пажары ў кватэры на чацвёртым паверсе пяціпавярховага жылога дома ў Глуску па вуліцы Гагарына. Ратавальнікі хутка прыбылі на месца выкліку і ўбачылі дым, які выходзіў з акна кватэры.

Паводле суседкі, унутры мог знаходзцца 53-гадовы гаспадар. Ратаўнікі выявілі яго на канапе ў пакоі і вынеслі на свежае паветра, выкарыстоўваючы кіслародную маску. Брыгада хуткай дапамогі шпіталізавала мужчыну. Меркаваная прычына пажару – неасцярожнае абыходжанне з агнём пры паленні – паведамляе прэс-служба МНС.

Фота: МНС

Пад Мсціславам згарэла вясковая крама

Навіна ад

Ноччу 29 траўня пажар ахапіў сельскую краму ў вёсцы Лютня Мсціслаўскага раёна, паведамляе прэс-служба МНС. У выніку пажару згарэў дах, пашкоджана ўнутранае начынне, пагарэла многа тавару. Прычына высвятляецца, пацярпелых няма.

Фота: МНС